- 177 -

1351. Juli 1. Liegnitz.

Herzog Ludwig giebt der Stadt Liegnitz eine Bestätigung über die ihr geschehene Verpfändung der Niclasdorfer und anderer Bergwerke.

Nos Ludewicus dei gracia dux Slesie dominus Ligniczensis et in Lubin ad vniuersorum noticiam volumus deuenire, quod fideles et dilecti nobis ciues Ligniczenses serenissimo principi duci Wenceslao, fratri nostro karissimo, quadringentas marcas excrediderunt super dampna ejusdem fratris nostri, promittimus eisdem consulibus et ciuibus Ligniczensibus sinceriter et sine dolo, quod prefatas quadringentas marcas et dampna, que desuper accreuerint, tollere et percipere volumus de peticione in montanis videlicet in Niclausdorf et quibuslibet alijs montanis fratris nostri predicti prope festum beate Walpurgis proxime nunc venturum facienda et ipsis consulibus presentare. Si vero peticio predicta non suffecerit et ad quadringentas marcas cum dampnis, que accreuerint, se non extenderit, residuum percipere volumus de peticione circa festum sancti Michaelis deinde proximo in prefatis montanis facienda et hoc eciam prefatis consulibus seu ciuibus Ligniczensibus presentare, promittimus insuper prefatis nostris ciuibus Ligniczensibus specialiter pro centum marcis in prefatis quadringentis marcis inclusis et pro dampno, quod de eisdem centum marcis accreuerit, quod si easdem centum marcas de peticionibus, ut promissum est, ipsis non presentauerimus, extunc ipsi consules et ciues prefati predictas centum marcas cum dampnis accretis de illis centum marcis percipere debent de obuencionibus vrbare nos contingentibus et cum quibus nostri redditus supra ciuitate Lignicz sunt redimendi. In cujus rei testimonium presentes nostro sigillo jussimus consignare. Datum Lignicz in octaua sancti Johannis euangeliste, anno domini millesimo tricentesimo quinquagesimo primo.

O. d. St. L. No. 72, mit dem kleinen Wappensiegel an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866